موضوع يحتوى على : حادث واقعى بالامس القريب + تحذير + نصيحه

[ELSONEY]

السلام عليكم و رحمه الله وبركاته


معلش ممكن يكون العنوان المره دى غريب شويه

بس بجد انا كنت محتار فى اختيار العنوان


المهم حتى لا اطيل عليكم

يحتوى الموضوع على ثلاث محاور


المحور الاول :

حادث واقعى بالامس القريب
23/11/2008

و هو حادث بسيط قد يتعرض اليه اى احد منا

و كل شئ بقدر الله

فهو حادث سرقه من داخل السياره

و هو حدث لى شخصيا انا و اخى الاكبر


مختصر القصه

كنا نازلين لشراء بعض الملابس الشتويه من احد المحلات المعروفه

فانتهينا من شراء جزء من الملابس

فوضعنا الملابس داخل شنطه السياره

و توجهنا الى مكان تجارى اخر لشراء بقيه الملابس

و عندما بحثنا لمكان لنضع به السياره وجدنا المكان

و عندما كمنا بالركن هناك اتى الينا البيه السايس

و طلب منا 2 او 3 جنيه ثمن الركن

:)

إتاوه يعنى


المهم حدث بيننا نقاش بسبب عدم وجود فكه و قلنا له عندما ننتهى

هو مرديش و طلب مقدم و قالنا انتوا بتبقوا جوه و انا بخاللى بالى من العربيه

المهم اخى الكبير اطيب منى و فك و اعطاله ما طلب

دخلنا و اتينا ببقيه الاحتياجات و فتحنا الشنطه

و طبعا كانت المفاجئه

لم نجد الاشياء التى وضعناها فى الشنطه

و كانت تقدر ب 1500 ج مصرى

و ايضا لم نجد السايس

لاننا خرجنا فى وقت اغلاق المول التجارى

فبالتالى غالبيه السياس بيكونوا مشيوا علشان هما اصلا بياخدوا الاتاوه .. قصدى الفلوس قبل الدخول

فالعربيات بالنسبا لهم الان ملهاش لزمه اصلا

هما المهم عندهم الفلوس


بس

و قدر الله و ما شاء فعل


*********************************


طيب واحد هيقولى طيب و احنا مالنا يا عم السنى .. واجع دمغنا ليه بمواضيعك :0100:

اللى راح مبيرجعش تانى

و كلام من دا


و كمان انت ليه حاطط الموضوع فى النقاش العام

!!!!!!



ردى بكل بساطه



ان اللى راح بيرجع تانى لو مش فى الدنيا ففى الاخره الله لا يضيع حق عباده


و انا طرحت اموضوع للنقاش لاحذر اخوانى و اخواتى لطرق المستحدثه فى السرقه

و ايضا لتناقش حول رد الفعل


فكل واحد منا يرى رد فعل مختلف عن الاخر


فنتناقش لنصل الى رد الفعل الصحيح

حتى يعلم الجميع ما هو التصرف الصحيح فى مثل هذا الموقف

و الله المستعان


و اعلم ان ما اصابك لم يكن ليخطئك و ما اخطائك لم يكن ليصيبك

[ELSONEY]

نكمل قصتنا بعون الله

المهم

ذهبنا لصديق لنا فى القسم

و روينا له الحدث

فارسلنا لصديق له مسئول عن هذه المنطقه

و طلب منا الاحضار فى اليوم التالى فى نفس الميعاد اللى ركنا فيه العربيه عند السايس

لنتعرف على السايس


المهم اتى اخى له فى اليوم التالى و تعرف على السايس

و طبعا السايس اخد واجبه

و قبل ان ياخذ واجبه اثناء توجيه الى القسم و مع اخى الامناء

اقسم السايس انه ليس السارق و ليس له يد فى الموضوع

و ابدى استعداده لامضاء ايصال امانه بثمن الاشياء

و لكن الرفض هو الرد الاكيد

لان ليس الهدف هو استرجاع الاموال او الاشياء

فالاصل اللى بيروح ما بيرجعش

و لكن الهدف كان حمايه غيرنا من تكرار مثل تلك الحوادث

فقد يترك واحد تانى لاب توب عليه شغل هام و يسرق من شنطه العربيه

و اخر قد يترك شنطه فلوس او اخر يترك حقيبه اوراق لا تقدر بمال

فلابد ان الشرطه تعرف ما يحدث لتضع اعينها على هذه المنطقه و الحذر من تلك الحوادث


المهم

بعد ما السايس اخد واجبه تاكد الظابط من براءته
*****


و لكن الشاهد هنا


انه لو لم يكن الفاعل الرئيسى

فهو يستحق ثمن تقصيره فى واجبه

و اذا لم يكن هذا هو واجبه

فلماذا اذا ياخد من الناس اموال

هل هى بلطجه

ولا إتاوه

و لا ايه بالظبط


* و الموضوع مازل سارى حتى اليوم


و لكن نقطه النقاش الرئيسيه هنا


هل هذا ظلم ام لا ...؟


فالضمير يخاف و يلوم صاحبه على ظلم الناس

و يقول ان المظلوم دعوته لا ترد

طيب ايه الحل او ايه كان البديل

او ما تبلغ ان حاجه اتسرقت يقولك مين السايس و هما بيقوموا بواجبهم

و ان فى نظرى انه يستحق هذا

و ان لم يكن هو السارق

و هذا ما قاله له الظابط بالمعنى

فان لم يكن هو الفاعل فهو المساعد للفاعل و ذلك انه مهمل فى عمله و استغفلوه بمعنى اصح

يعنى لو كان مصحص محدش كان يستغفله

الحمد لله الحاجات بسيطه

و لكن لابد ان يكون الوعى موجود علشان ممكن حد يروح منه حاجه مش هيعرف يعوضها الا بصعوبه

كاوراق سفر او غيره


منتظر رايكم فى الموضوع بصفه عامه

و بصفه خاصه

اللى عملناه كان صح و لا غلط ..؟؟

و لو غلط ايه كان البديل له ..؟


و جزاكم الله خيرا

[أحمد بن فتحي]

بارك الله فيكم و عوضكم خيراً

و أنتقم من هذا الحرامي و السايس المهمل الذي أصر على أخذ الأموال لي يروح بدري (خبث ) و أيضاً يسرق الناس فهو حرامي ايضاً

[ELSONEY]

بارك الله فيكم و عوضكم خيراً

و أنتقم من هذا الحرامي و السايس المهمل الذي أصر على أخذ الأموال لي يروح بدري (خبث ) و أيضاً يسرق الناس فهو حرامي ايضاً



و فيك بارك اخى الحبيب / أحمد فتحى . . .

و الحمد لله على كل شئ

عارف الواحد بس خاف لحسن يكون ظلم السايس

و لكن لم يكن امامنا غيره

و لكن فى الاخر طلع مش هو (( على راى الشرطه )) ... بعد ما اخد واجبه و زياده حبتين

الظابط قال لاخى على جنب مش هو

لان السايس قال هو مشى الساعه 10 م و اتى بعده 2 اخرين

فطلب منه الظابط ان يحضر له ال 2 الثانين

و قدر الله و ما شاء فعل


و الحمد لله جبنا اشياء بدل المسروقه

و لله الحمد

احنا لو كنا جبنا كل حاجه كان الموضوع هيبقى اكبر

و كمان الاصل اخى بيكون معاه اللاب توب بتاعه و اوقات كثيره لو فى مشوار بيكون وضعه فى شنطه العربيه

و يحتوى على اوراق هامه

فالحمد لله

ربنا ستر


و شكرا على مشاركتك الطيب

و من مضمونها

استفيد انك مع الموقف اللى عملناه يعنى نحن مظلمنهوش ..!!

دا على حد فهمى من مشركتك

و جزاكم الله خيرا

[ELSONEY]

بعد ما بيحصل لك اي موضوع

(( يفرّح او يحزّن ))

تلاقى كل اصحابك و معارفك و حتى سائقى التاكسيات يرولك احداث متماثله لها

و قد تكون فى بعض الاحيان مطابقه



و لكن طبعا فى بعض هذه القصص او الاحداث لابد من لفت النظر ليها لياخذ كلا منا حذره




***************

حادث اول

سرقه السياره بالاكراه

(( لا تترك المفاتيح داخل السياره ... حتى لو فى حد داخل السياره ))



خلاصه الحادثه

ان قريبه احد معارف الاصدقاء ... ذهبت هى و صديقتها لتستبدل احدى مشتروتها بدرجه اكبر فى شارع عباس العقاد

عند احدى التوكيلات المشهوره

و عند دخولها تركت السياره بالخارج و فيها صديقتها و المفاتيح فى الكونتاكتك

المهم هى داخله تجيب المقاس الاكبر و خارجه علاطول

و اذا بشخص يركب مكان السائق ويضع مطواه فى جابن صديقها و يهددها و يقول

لو فتحتى بقك هخلص

طبعا لم تجرئ على فتح بقها

فتحرك الحرامى بالسياره و طلب منها اثناء السير وضع كل ما هو كعها من اموال او موبيلات او غيره فى شنطه و بعد كدا راح منزلها عند النادى الاهلى دون اى مليم

لدرجه انها طلبت منه حتى ثمن للتاكسى و لكن دون جدوى


فاحذر ان تترك مفاتيح العربيه فى الكونتاكت و تترك مراتك و تقول ما فى حد فى العربيه


هذا خطر جدا


*************************************


الحادثه الثانيه :

سرقه من داخل السياره و هى راكنه داخل المول نفسه

(( احذر ان تترك اى شئ ثمين داخل السياره .. حتى و لو كنت راكن داخل جراج المول نفسه ))

فقد تمت هذه السرقه داخل احدى المولات الشهيره .. عندما تركوا او نسيوا الموبيل داخل السياره و عندما عادوا لم يجدوا الموبيل و جدوه سرق من داخل السياره

و عند ابلاغ الامن الخاص بالمول قل لهم:

نحن غير مسئولين عن محتويات السياره

نحن فقط مسئولين عن سلامه السياره

يعنى المهم انت ترجع و تلاقى عربيتك مش مهم انك تلاقى اللى جوها

هههه

ولا حول ولا قوه الا بالله العلى العظيم

[سفيان معروف]

الحيطة و الحذر واجب اما بما يخص السارق فان الله وكيل ارحمو من في الارض يرحمكم من في السماء:dam: اعتبره صدقة ونساها

[عبد الحميد بن منصور]

امرأة من بني مخزوم من أشراف قبائل العرب ، كانت تستعير الشيء ثم تجحده ، أي تستعيره لتنتفع به ثم تنكر بعد ذلك أنها استعارت شيئاً ، فأمر النبي صلى الله عليه وسلم بقطع يدها ؛ فاهتمت لذلك قريش ، قالوا : امرأة من بني مخزوم وتقطع يدها ؟ هذا عار كبير ، من يشفع لنا إلى رسول الله صلى الله عليه وسلم ، فرأوا أن أقرب الناس لذلك أسامة بن زيد بن الحارثة .
وأسامة بن زيد مولى رسول الله صلى الله عليه وسلم ؛ لأن زيد بن حارثة عبدٌ أهدته إلى رسول الله صلى الله عليه وسلم خديجة ، ثم أعتقه وكان يحبه عليه الصلاة والسلام ، ويحب ابنه أسامة ، فذهب أسامة إلى النبي صلى الله عليه وسلم يشفع لهذه المرأة ألا تقطع يدها، فقال النبي عليه الصلاة والسلام: (( أتشفع في حد من حدود الله ؟))
قال ذلك إنكاراً عليه ، ثم قام فخطب الناس وقال : (( أيها الناس ؛ إنما أهلك من كان قبلكم ؛ أنهم كانوا إذا سرق فيهم الشريف تركوه ، وإذا سرق فيهم الضعيف أقاموا عليه الحد ، وايم الله ـ يعني أقسم بالله ـ لو أن فاطمة بنت محمد سرقت ؛ لقطعت يدها ))

[شاب مؤمن]

مشكور